selaso.... 24 jun 2008

fuh.... den baru lopeh program taklimat untuk dak2 tamhidi... lotih poik!! skang ni tgah lepak2 kek lab com... kul 2 kang nk gorak blek sutra indah.... klau ikutkan ado ict potang ni.... sib bek ckgu den paham dak2 sumo e lotih... den tongah hepi laie ni sobab smalam spanyol monang lwn italy.... jumaat pg nnti diorg jmpo rusia plak 2.... smalam den baru stat klas tutorial arab 2... maso donga suaro e den ingtkan dah berumo... jmpo2 yo org e mudo laie... baru 22.. tp sporting abih... momokak gak la klas den smalam ngan tolatah e 2... td maso nk poie makan den tojumpo dak2 skolah lamo den.. polik gak napo diorg ado.. peh2 baru tringat yg usim buek ptandingan debat bahaso arab prngkat kobangsaan.... x sangko no 3 diorg dapek... dah la... maleh lak nak naip2 laie... kok rajin den buek laie.... chalo bete!!

21 june 2008....

dah kul sopuloh limo puloh dh ni.... lotih boto bdan den ari ni.... dah la tido lambek dok tgk euro mlm td... sakit ati pn ado gak sobab ptut e croatia dah leh monang... tp 2 la bolasepak... papo pn leh jdik... kul 10 pg den, omak den, ngan ayah den poie somban... mak den nk g jumpo dentist, nk crik sluar ngan jumpo adik den kek skolah putri somban... dah sudah 2 blik rumah jap then gorak blik kg den kek longgeng... uihhh lamo boto x mkan lauk nenek den masak... bukan men sodap lg dio msak gulai ayam kg ngan pcuk ubi... klau org minang sbut 'lamak bana' mksud e sodap bona.. kg den 2 memg org2 e rmai ckap bahaso minang... kul 4 potang lak den blik rumah... qada' tido sobab pg td tido kojap yo.. lamo boto smpai 7 stongah la den bru bgun... mlm ni rumah sonyap sket la sobab ayah den kojo mlm ari ni... adik den pn xdo... mlm ni mkan capati ngan sambal tumih yo... kiro 'ok la 2!!' bak kato saida af6 2 kan... raso2 e mlm ni nk tido lambek lg sobab nk tgk bola laie... sok nk blik sutra indah blek.. x dapek la nk tgk bola laie.... yg den gogham 2 stiap kali match spanyol yo den xpek tgk... den plih spain taun ni.... tp nk buek cmano kan... study laie ponting.. huhu... sok nk blik pulak... maleh yo raso e...

satu kisah sorakan emosi.....

video ni sobona e amek dari video national geographic... tp 2 la... bilo akal dah pnjang bona... mamat yg buek video ni try la buek konon e org dlm video 2 cakap nogoghi... hmpeh kan??? 2 la deh bijak org skaghang ni.... den sobona e x tau apo nk buek mlm ni... sobab nk tnggu match croatia ngan turki.... cito pasal euro ni ado la satu kisah... maso ari kamih potang maso 2 den bru blek dr klas... lopeh 2 maso lepak2 den tanyo dak2 kek rumah den 2 diorg sokong portugal ko jerman.. tgk2 sumo e sokong portugal.. den ngan membe den si ayie yo yg amek jerman... maso 2 pueh gak den kono hontam ngan diorg... sobab sumo e yakin bona potugal buleh monang... sblum 2 den dah deal ngan roomate den sapo kalah kono jontik tlingo e... tgk2 maxis antar den mesej koba jerman monang.. jumaat pg 2 nmpk mcm golap yo d mato fan2 potugal sobab kalah 3-2 ngan jerman... balik kek cito jontik tlingo 2.. ari jumaat den blik kul 1o pg... smpai kek rumah yo dah pkir nk tunaikan janji kek roomate den 2... yg sodap e housemate den yg len siap rakam video roomate den kono jontik tlingo e 2... memg klaka... sib bek x merah tlingo e...

sapo den ni sobona e????

namo den kalau ikut dlm ic HAIRIL HAZLAN BIN NORHAMIZIN... klau ikut dlm surat boghanak pn samo yo... den ni memang lahir kek sini... mmbosa kek sini... tadika smpai la masuk u... pn kek nogoghi ponoh adat ni... nogoghi sombilan namo e.... den tgk dunio klau xsilap den ari jumaat 26 januari 1990... bulan islam e den lupo lak... bidan 2 lupo nk tulih tarikh lahir den dlm bulan islam... dulu den tadika kek abim senawang... skolah ghondah kek sk snawang smpai dajah ompek... limo ngan nam kek sk mantin... upsr den 4a1b.. xyah tanyo pn dah tau apo b den 2... umo 13 smpai 17 lak den mlanjutkan umo kek smka sheikh haji mohd said soghomban.... 5 taun 2 den duk kek ostel 'mewah' yg dpanggil 'guatanamo'... klau x silap den la... pmr den lak dlm ghamai2 2 den la yg dapek kmbinasi result yg pling cun... 3a3b3c.. spm den lak 6a4b1c... dongan bokal nam a ompek b ngan satu c 2 la den masuk universiti sains islam malaysia a.k.a usim... masuk tamhidi akaun sesi 08/09... hobi den ni donga lagu... papo lagu pn jnji sodap tlingo den donga e... 2 yo la raso2 e... nk tau lnjut caghik la den kek usim 2... huhu...

Tanggal pukul 1.23 tongah malam.... 21 jun 2008

huiyyyyaii!! ni kali potamo den buek blog ni.... xponah den topikir nk buek bondo2 ni sumo... den bukannyo apo... tgk membe ghamai bona yg heboh pasal blog2 ni... jdik xkn la den nk sonyap yo kan??? suko2 yo momulo e... tgk2 first step dh ok... apo laie... awk pn toghuih yo la buek advance punyo... tp ni awl2 laie... jadik sapo2 yg sudi aja den untuk decorate tompek ni jdik laie lawa... jgn malu jgn sogan... ckap yo... huhu...